სელის თესლი

სელის თესლი (Semina   Lini)

წამლის ფორმა

მცენარეული ნედლეული.

შემადგენლობა

ცხიმოვანი სელის ზეთი (Oleum Lini), ლორწო.

ფარმაკოთერაპიული ჯგუფი

შემომგარსველი და მაადსორბირებელი პარასამკურნალო საშუალება.

ფარმაკოლოგიური თვისებები

სელის თესლებს გააჩნიათ შემომგარსველი, ანთების საწინააღმდეგო და მსუბუქად გამოხატული საფაღარათო მოქმედება.

ჩვენება

გამოიყენება კომპლექსურ თერაპიაში, როგორც დამხმარე პარასამკურნალო საშუალება ნაწლავების დაავადებების, კოლიტების, ენტეროკოლიტების, მეტეორიზმის, სასუნთქი გზების ლორწოვანი გარსის დაავადებების დროს. გარეგანად გამოიყენება კომპრესების სახით ადგილობრივი ანთებითი პროცესების სამკურნალოდ.

უკუჩვენება

ფაღარათი, ქოლეცისტიტის დროს ტკივილის არსებობა.

გვერდითი მოვლენები

მაღალ დოზებში იწვევს ზოგად მოუსვენრობას და სალივაციას.

ურთიერთქმედება სხვა სამკურნალო საშუალებებთან

დასშვებია გამოყენება სხვა პრეპარატებთან ერთად

განსაკუთრებული მითითებები

არ არის დადგენილი

გამოყენება ორსულობის და ლაქტაციის პერიოდში

ორსულობის და ლაქტაციის დროს, მიღება რეკომენდებული არ არის

გავლენა ავტოტრანსპორტის მართვის ან სხვა მექანიზმებთან მუშაობისას

მონაცემები იმის შესახებ, რომ პრეპარატს შეუძლია უარყოფითად იმოქმედოს მძღოლებსა და ტექნიკასთან მომუშავე ადამიანებზე, არ არსებობს.

ჭარბი დოზა

არ არის დადგენილი

მომზადების წესი

5გ (ერთი ჩაის კოვზი) ნედლეულს ათავსებენ ემალის ჭურჭელში, ამატებენ 150 მლ მდუღარე წყალს, აცხელებენ წამოდურებამდე. მიღებულ ნაყენს ფილტრავენ დოლბანდის 2-3 შრეში, წურავენ და გადადუღებული წყლით ავსებენ 150-მლ-მდე. მომზადებული ნაყენი ვარგისია 48 საათის განმავლობაში.

მიღების წესი და დოზირება

მიიღება 50-70 მლ რაოდენობით დღეში 3-ჯერ ჭამამდე 30 წუთით ადრე. მკურნალობის კურსი შეადგენს 2-3 კვირას.

შენახვის პირობები

ინახება ოთახის ტემპერატურაზე, სინათლისაგან დაცულ ადგილას.

შენახვის ვადა

3 წელი. ვარგისიანობის ვადის ამოწურვის შემდეგ ან ვიზუალური დათვალიერებისას აღმოჩენილი დეფექტების შემთხვევაში სელის თესლის გამოყენება დაუშვებელია.

გაცემის წესი

ფარმაცევტული პროდუქტის ჯგუფი III. გაიცემა რეცეპტის გარეშე.

გამოშვების ფორმა

50 გრ ქაღალდის პაკეტში, მოთავსებული მუყაოს კოლოფში.

Online Drugstore, price cialis black, Free shipping, buy apcalis sx, Discount 10%